Normalmente unha imaxe ou fotografía no seu formato orixinal, ben sexa procedente dun programa de tratamento gráfico ou dunha cámara fotográfica, conta con características moi superiores aos requirimentos óptimos para a súa publicación en internet.

Unha páxina web soe requirir imaxes precisas, de tamaño pequeno, lixeiras e nomeadas correctamente, características que favorecen a súa difusión na rede e evitan o consumo innecesario de recursos, tais como espazo en disco ou taxa de trasferencia.

Desde este pequeno manual aprenderás o fundamental para preparar unha imaxe p.e. procedente dunha cámara fotográfica, para a súa publicación en internet.

Á hora de preparar unha imaxe debes escoller o programa de tratamento gráfico axeitado, en esencia todos fan o mesmo. Desde aquí pola súa facilidade e estandarización recomendamos: Gimp ou Photoshop.

Gimp é software libre e podes descargalo libremente desde a súa web oficial gimp.org ou desde a túa consola de aplicativos en ubuntu.

Ler máis…